kaho kaho main git hun

kaho kaho maiñ giit huuñ tire laboñ kī miit huuñ

mohabbatoñ kī raah meñ tū haar hai maiñ jiit huuñ

bahār-e-zindagī huuñ maiñ hasīñ kalī kalī huuñ maiñ

maiñ phuul phuul tāzgī ki nuur meñ palī huuñ maiñ

najar najar jo hai basī vo gungunātī piit huuñ

kaho kaho maiñ giit huuñ

maiñ chāñd huuñ maiñ chāñdnī qadam qadam pe raushnī

maiñ jhiil tāroñ se bharī maiñ muskurātī zindagī

maiñ jism ke sitār meñ amar suroñ kā giit huuñ

kaho kaho maiñ giit huuñ

maiñ badrī aur tū pavan maiñ dhartī aur tū gagan

tū devtā rutoñ kā hai maiñ rang ruup kī dulhan

maiñ sho.aloñ kī chunar tale himālya kī shiit huuñ

kaho kaho maiñ giit huuñ

tū pyaas hai maiñ jaam huuñ maiñ terī sub.h-o-shām huuñ

tū ishq-e-nā-tamām hai maiñ husn-e-nā-tamām huuñ

huuñ tere saath har janam yugoñ purānī riit huuñ

kaho kaho maiñ giit huuñ

kaho kaho main git hun tere labon ki mit hun

mohabbaton ki rah mein tu haar hai main jit hun

bahaar-e-zindagi hun main hasin kali kali hun main

main phul phul tazgi ki nur mein pali hun main

najar najar jo hai basi wo gungunati pit hun

kaho kaho main git hun

main chand hun main chandni qadam qadam pe raushni

main jhil taron se bhari main muskuraati zindagi

main jism ke sitar mein amar suron ka git hun

kaho kaho main git hun

main badri aur tu pawan main dharti aur tu gagan

tu dewta ruton ka hai main rang rup ki dulhan

main shoalon ki chunar tale himalya ki shit hun

kaho kaho main git hun

tu pyas hai main jam hun main teri subh-o-sham hun

tu ishq-e-na-tamam hai main husn-e-na-tamam hun

hun tere sath har janam yugon purani rit hun

kaho kaho main git hun