pighli aag se saghar bhar le

pighlī aag se sāġhar bhar le

kal marnā hai aaj hī mar le

ab na kabhī ye raat Dhalegī ab na kabhī jāgegā saverā

soch hai kis kī fikr hai kis kī is duniyā meñ kaun hai terā

koī nahīñ jo terī ḳhabar le

pighlī aag se sāġhar bhar le

qudrat andhī duniyā bahrī

kaale paḌ ga.e ḳhvāb sunahrī

toḌ bhī de ab ḳhvāb kā rishta chhoḌ bhī de jazbāt se laḌnā

aaj nahīñ to kal samjhegā mushkil hai hālāt se laḌnā

jo hālāt karā.eñ kar le

pighlī aag se sāġhar bhar le

band hai nekī kā darvāza

aap uThā le apnā janāza

koī nahīñ jo bojh uThā.e apnī zinda lāshoñ kā

ḳhatm hī kar de aaj fasāna in be-dard tamāshoñ kā

jān-e-tamannā jaañ se guzar le

pighlī aag se sāġhar bhar le

pighli aag se saghar bhar le

kal marna hai aaj hi mar le

ab na kabhi ye raat Dhalegi ab na kabhi jagega sawera

soch hai kis ki fikr hai kis ki is duniya mein kaun hai tera

koi nahin jo teri KHabar le

pighli aag se saghar bhar le

qudrat andhi duniya bahri

kale paD gae KHwab sunahri

toD bhi de ab KHwab ka rishta chhoD bhi de jazbaat se laDna

aaj nahin to kal samjhega mushkil hai haalat se laDna

jo haalat karaen kar le

pighli aag se saghar bhar le

band hai neki ka darwaza

aap uTha le apna janaza

koi nahin jo bojh uThae apni zinda lashon ka

KHatm hi kar de aaj fasana in be-dard tamashon ka

jaan-e-tamanna jaan se guzar le

pighli aag se saghar bhar le