tum chali jaogi parchhaiyan rah jaengi

tum chalī jāogī parchhā.iyāñ rah jā.eñgī

kuchh na kuchh husn kī ra.anā.iyāñ rah jā.eñgī

tum ki us jhiil ke sāhil pe milī ho mujh se

jab bhī dekhūñgā yahīñ mujh ko nazar aaogī

yaad miTtī hai na manzar koī miT saktā hai

duur jā kar bhī tum apne ko yahīñ pāogī

ghul ke rah jā.egī jhoñkoñ meñ badan kī ḳhushbū

zulf kā aks ghaTāoñ meñ rahegā sadiyoñ

phuul chupke se churā leñge laboñ kī surḳhī

ye javāñ husn fazāoñ meñ rahegā sadiyoñ

is dhaḌaktī huī shādāb-o-hasīñ vaadī meñ

ye na samjho ki zarā der kā qissa ho tum

ab hamesha ke liye mere muqaddar kī tarah

in nazāroñ ke muqaddar kā bhī hissa ho tum

tum chalī jāogī parchhā.iyāñ rah jā.eñgī

kuchh na kuchh husn kī ra.anā.iyāñ rah jā.eñgī

tum chali jaogi parchhaiyan rah jaengi

kuchh na kuchh husn ki ranaiyan rah jaengi

tum ki us jhil ke sahil pe mili ho mujh se

jab bhi dekhunga yahin mujh ko nazar aaogi

yaad miTti hai na manzar koi miT sakta hai

dur ja kar bhi tum apne ko yahin paogi

ghul ke rah jaegi jhonkon mein badan ki KHushbu

zulf ka aks ghaTaon mein rahega sadiyon

phul chupke se chura lenge labon ki surKHi

ye jawan husn fazaon mein rahega sadiyon

is dhaDakti hui shadab-o-hasin wadi mein

ye na samjho ki zara der ka qissa ho tum

ab hamesha ke liye mere muqaddar ki tarah

in nazaron ke muqaddar ka bhi hissa ho tum

tum chali jaogi parchhaiyan rah jaengi

kuchh na kuchh husn ki ranaiyan rah jaengi