aa gai manzil-e-maqsud nazar aap se aap

aa ga.ī manzil-e-maqsūd nazar aap se aap

chal paḌe ham tirī chāhat meñ jidhar aap se aap

kashish-e-husn kā hotā hai asar aap se aap

laakh pahre hoñ pa uThtī hai nazar aap se aap

dekhnā aisī koī baat na nikle muñh se

yā'nī jis baat ke lag jaate haiñ par aap se aap

justujū shukr hai minnat-kash-e-rahbar na huī

mil ga.ī ham ko tirī rāhguzar aap se aap

jab mahaktā hai tasavvur tirā tanhā.ī meñ

jagmagā uThtā hai yādoñ kā nagar aap se aap

raat kitne hī sitāroñ kā lahū piitī hai

kaun kahtā hai ki hotī hai sahar aap se aap

apne muñh apnī satā.ish nahīñ achchhī 'rahmat'

muñh se bol uThtā hai lākhoñ meñ hunar aap se aap

aa gai manzil-e-maqsud nazar aap se aap

chal paDe hum teri chahat mein jidhar aap se aap

kashish-e-husn ka hota hai asar aap se aap

lakh pahre hon pa uThti hai nazar aap se aap

dekhna aisi koi baat na nikle munh se

ya'ni jis baat ke lag jate hain par aap se aap

justuju shukr hai minnat-kash-e-rahbar na hui

mil gai hum ko teri rahguzar aap se aap

jab mahakta hai tasawwur tera tanhai mein

jagmaga uThta hai yaadon ka nagar aap se aap

raat kitne hi sitaron ka lahu piti hai

kaun kahta hai ki hoti hai sahar aap se aap

apne munh apni sataish nahin achchhi 'rahmat'

munh se bol uThta hai lakhon mein hunar aap se aap