aa meri jaan kabhi pyar ki pahchan mein aa

aa mirī jaan kabhī pyaar kī pahchān meñ aa

tū agar sho.ala hai to dīda-e-hairān meñ aa

muskurātā huā tū chāñd sitāroñ se nikal

aur hañstā huā bhūle se kabhī jaan meñ aa

tishnagī Thahrī bujhānā to bayābāñ pe baras

god meñ maañ kī utar dhartī ke pistān meñ aa

dasht-e-vahshat se mire is qadar āsāñ na guzar

chhoḌ āñkhoñ ko mirī dast-o-garebān meñ aa

qatra-qatra mirī āñkhoñ se mire dil meñ utar

rafta-rafta mire siine se mirī jaan meñ aa

shorish-e-jāñ se mirī aise na katrā ke guzar

merī sāñsoñ kā maza le mire haijān meñ aa

barg-e-āvāra pe hī likh de hikāyat apnī

aa mirī jaan kabhī harf-e-pareshān meñ aa

dekh le apnī ḳhudā.ī kā tamāshā ḳhud hī

āsmāñ vaale kabhī paikar-e-insān meñ aa

aa meri jaan kabhi pyar ki pahchan mein aa

tu agar shoala hai to dida-e-hairan mein aa

muskuraata hua tu chand sitaron se nikal

aur hansta hua bhule se kabhi jaan mein aa

tishnagi Thahri bujhana to bayaban pe baras

god mein man ki utar dharti ke pistan mein aa

dasht-e-wahshat se mere is qadar aasan na guzar

chhoD aankhon ko meri dast-o-gareban mein aa

qatra-qatra meri aankhon se mere dil mein utar

rafta-rafta mere sine se meri jaan mein aa

shorish-e-jaan se meri aise na katra ke guzar

meri sanson ka maza le mere haijaan mein aa

barg-e-awara pe hi likh de hikayat apni

aa meri jaan kabhi harf-e-pareshan mein aa

dekh le apni KHudai ka tamasha KHud hi

aasman wale kabhi paikar-e-insan mein aa