aa rahi hai ye tur se aawaz

aa rahī hai ye tuur se āvāz

aa.e vo jis ko tāb-e-dīd pe naaz

ye taḌap aur ye aah rūh-e-gudāz

haa.e haiñ apnā ḳhud nahīñ hamrāz

hai vahīñ ibtidā-e-sarhad-e-nāz

ho jahāñ ḳhatm 'aql kī parvāz

vo muqarrar to dar kareñ apnā

DhūñD legī mirī jabīn-e-niyāz

ek mizrāb-e-ġham meñ TuuT gayā

kitnā nāzuk thā zindagī kā saaz

parda-e-zīst uTThā rahā huuñ maiñ

ab to uTh parda-e-harīm-e-nāz

un kī nīchī nazar kā ochhā tiir

dil meñ hai misl-e-umr-e-ḳhizr darāz

vaqt-e-āḳhir nafas meñ paatā huuñ

terī raftār-e-nāz ke andāz

kaisā giryāñ hai kaisā nādim hai

merī mayyat pe merā duniyā-sāz

har zamīñ sair-gāh thī apnī

haa.e vo 'abr' quvvat-e-parvāz

aa rahi hai ye tur se aawaz

aae wo jis ko tab-e-did pe naz

ye taDap aur ye aah ruh-e-gudaz

hae hain apna KHud nahin hamraaz

hai wahin ibtida-e-sarhad-e-naz

ho jahan KHatm 'aql ki parwaz

wo muqarrar to dar karen apna

DhunD legi meri jabin-e-niyaz

ek mizrab-e-gham mein TuT gaya

kitna nazuk tha zindagi ka saz

parda-e-zist uTTha raha hun main

ab to uTh parda-e-harim-e-naz

un ki nichi nazar ka ochha tir

dil mein hai misl-e-umr-e-KHizr daraaz

waqt-e-aKHir nafas mein pata hun

teri raftar-e-naz ke andaz

kaisa giryan hai kaisa nadim hai

meri mayyat pe mera duniya-saz

har zamin sair-gah thi apni

hae wo 'abr' quwwat-e-parwaz