aa rahi ho jab utar kar KHud hi chhat par chandni

aa rahī ho jab utar kar ḳhud hī chhat par chāñdnī

kyoñ na dekheñ ham mujassam yaar paikar chāñdnī

ek ḳhālis jhuuT hai sab ke dimāġhoñ meñ yahāñ

sirf un ke hī liye hai aaj shab-bhar chāñdnī

vasl kā aalam yaqīnan hai bayānoñ se pare

chāñdnī hai aaj takiya aur bistar chāñdnī

kaif se bharpūr us kā lams rahtā jāvedāñ

raat ban kar ghul rahī hai mere lab par chāñdnī

kis qadar tārīkiyoñ ke baad aa.ī hai ye shab

aa ga.ī hai aaj vāpas apne hī ghar chāñdnī

sab tumhāre sāmne baiThe hue haiñ dekh lo

kaun hai saanī tumhārā tum se behtar chāñdnī

jab kahā ham ne gale meñ apnī bāheñ Daal kar

tum na jaao to rukī thī bas machal kar chāñdnī

chāñd kā muñh dekhtā huuñ to ye lagtā hai mujhe

aur simaT jaatī hai ḳhud hī apne andar chāñdnī

jab kiyā iqrār us ne naam merā chuum kar

raqs karne lag ga.ī thī chāñdnī par chāñdnī

baap ne ruḳhsat kiyā thā saath mere is liye

pur-sukūñ hālāt meñ hai us kī duḳhtar chāñdnī

ye munaqqash bām-o-dar ye raushnī ke silsile

rū-ba-rū hai tere jaisā dekh manzar chāñdnī

baat karnā to añdhero meñ nahīñ rakhnā use

phir chalī jaa.e na vāpas ruuTh ke ghar chāñdnī

aa rahi ho jab utar kar KHud hi chhat par chandni

kyon na dekhen hum mujassam yar paikar chandni

ek KHalis jhuT hai sab ke dimaghon mein yahan

sirf un ke hi liye hai aaj shab-bhar chandni

wasl ka aalam yaqinan hai bayanon se pare

chandni hai aaj takiya aur bistar chandni

kaif se bharpur us ka lams rahta jawedan

raat ban kar ghul rahi hai mere lab par chandni

kis qadar tarikiyon ke baad aai hai ye shab

aa gai hai aaj wapas apne hi ghar chandni

sab tumhaare samne baiThe hue hain dekh lo

kaun hai sani tumhaara tum se behtar chandni

jab kaha hum ne gale mein apni bahen Dal kar

tum na jao to ruki thi bas machal kar chandni

chand ka munh dekhta hun to ye lagta hai mujhe

aur simaT jati hai KHud hi apne andar chandni

jab kiya iqrar us ne nam mera chum kar

raqs karne lag gai thi chandni par chandni

bap ne ruKHsat kiya tha sath mere is liye

pur-sukun haalat mein hai us ki duKHtar chandni

ye munaqqash baam-o-dar ye raushni ke silsile

ru-ba-ru hai tere jaisa dekh manzar chandni

baat karna to andhero mein nahin rakhna use

phir chali jae na wapas ruTh ke ghar chandni