aabaadiyon mein kho gaya sahraon ka junun
ābādiyoñ meñ kho gayā sahrāoñ kā junūn
shahroñ kā jamghaToñ meñ gayā gaañv kā sukūn
hālāt ke asiir hue masḳh ho ga.e
chehre pe jin ke dauḌtā thā nāzukī kā ḳhuun
tahzīb-e-nau kī raushnī meñ jal-bujhe tamām
maazī kī yādgār mire ilm aur funūn
bechain zindagī ke taqāze ajiib haiñ
phir us jagah chaleñ jahāñ kho aa.e haiñ sukūn
ye tajraba bhī gardish-e-hālāt se huā
kaise saped hotā hai har āshnā kā ḳhuun
lo kaam hosh se ye nayā daur hai 'matīn'
vahshat na saath degī na kaam aa.egā junūn
aabaadiyon mein kho gaya sahraon ka junun
shahron ka jamghaTon mein gaya ganw ka sukun
haalat ke asir hue masKH ho gae
chehre pe jin ke dauDta tha nazuki ka KHun
tahzib-e-nau ki raushni mein jal-bujhe tamam
mazi ki yaadgar mere ilm aur funun
bechain zindagi ke taqaze ajib hain
phir us jagah chalen jahan kho aae hain sukun
ye tajraba bhi gardish-e-haalat se hua
kaise saped hota hai har aashna ka KHun
lo kaam hosh se ye naya daur hai 'matin'
wahshat na sath degi na kaam aaega junun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
