aabru ulfat mein agar chahiye
aabru ulfat mein agar chahiye
Gulam Yahya Huzur Azimabadi
MORE BYGulam Yahya Huzur Azimabadi
aabrū ulfat meñ agar chāhiye
rakhnī sadā chashm ko tar chāhiye
dil to tujhe de hī chuke jaan bhī
lījiye hāzir hai agar chāhiye
yaar mile yā na mile sub.h-o-shām
kūcha-e-jānāñ meñ guzar chāhiye
naam bhī nam kā na rahā chashm meñ
ab tū girye laḳht-e-jigar chāhiye
tīr-e-nigah vo hai ki jis tiir ke
sāmne hone ko jigar chāhiye
ab kī bache jī to kisū ke ta.iiñ
phir na kaheñ bār-e-digar chāhiye
dil bhī javāhar hai va-lekin huzūr
is ke parakhne ko nazar chāhiye
aabru ulfat mein agar chahiye
rakhni sada chashm ko tar chahiye
dil to tujhe de hi chuke jaan bhi
lijiye hazir hai agar chahiye
yar mile ya na mile subh-o-sham
kucha-e-jaanan mein guzar chahiye
nam bhi nam ka na raha chashm mein
ab tu girye laKHt-e-jigar chahiye
tir-e-nigah wo hai ki jis tir ke
samne hone ko jigar chahiye
ab ki bache ji to kisu ke tain
phir na kahen bar-e-digar chahiye
dil bhi jawahar hai wa-lekin huzur
is ke parakhne ko nazar chahiye
- Dewan-e-Huzoor (E-Book)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
