aaDi-tirchhi baat na kar

āḌī-tirchhī baat na kar

hissa de ḳhairāt na kar

pyaar jo hai to sāmne aa

tauhīn-e-jazbāt na kar

dil kī lagī ashkoñ se bujhā

iz.hār-e-hālāt na kar

chehre par zulfeñ na girā

nikhre din ko raat na kar

rok le aañsū āñkhoñ meñ

bin mausam barsāt na kar

mujh ko de de ik sāġhar

pesh koī sauġhāt na kar

nīchā jis se arsh lage

aisī ma.alūmāt na kar

maiñ ne kiyā tujh par vishvās

ġhair se mil kar ghaat na kar

qādir hai qudrat kā nizām

'nūr' ġham-e-hālāt na kar

aaDi-tirchhi baat na kar

hissa de KHairaat na kar

pyar jo hai to samne aa

tauhin-e-jazbaat na kar

dil ki lagi ashkon se bujha

izhaar-e-haalat na kar

chehre par zulfen na gira

nikhre din ko raat na kar

rok le aansu aankhon mein

bin mausam barsat na kar

mujh ko de de ek saghar

pesh koi saughat na kar

nicha jis se arsh lage

aisi malumat na kar

main ne kiya tujh par wishwas

ghair se mil kar ghat na kar

qadir hai qudrat ka nizam

'nur' gham-e-haalat na kar