aadmi ki shakl mein bhagwan le aae hain hum

aadmī kī shakl meñ bhagvān le aa.e haiñ ham

aur is par be-tarah īmān le aa.e haiñ ham

imtiyāzī zehniyat kī hai numā.ish har taraf

kis musībat meñ ye apnī jaan le aa.e haiñ ham

ham azal se aaj tak pinhāñ haiñ apnī zaat se

aur duniyā ke liye qur.ān le aa.e haiñ ham

ahl-e-maġhrib ne to samjhā hai ḳhudā insān ko

aur har din ik nayā bhagvān le aa.e haiñ ham

dil kī har afsurdagī ko zabt kar detī haiñ jo

aisī ġhazloñ kā nayā dīvān le aa.e haiñ ham

be-sabab āzār hai 'rāhib' nizām-e-zindagī

ḳhud hī sar ke sāmne chaTTān le aa.e haiñ ham

aadmi ki shakl mein bhagwan le aae hain hum

aur is par be-tarah iman le aae hain hum

imtiyazi zehniyat ki hai numaish har taraf

kis musibat mein ye apni jaan le aae hain hum

hum azal se aaj tak pinhan hain apni zat se

aur duniya ke liye quran le aae hain hum

ahl-e-maghrib ne to samjha hai KHuda insan ko

aur har din ek naya bhagwan le aae hain hum

dil ki har afsurdagi ko zabt kar deti hain jo

aisi ghazlon ka naya diwan le aae hain hum

be-sabab aazar hai 'rahib' nizam-e-zindagi

KHud hi sar ke samne chaTTan le aae hain hum