aadmi shahr se nikalta hai

aadmī shahr se nikaltā hai

qatra ab bahr se nikaltā hai

is qadar nafratoñ kī aadat hai

dam mirā mahr se nikaltā hai

jo tire ishq meñ hai mahv-e-raqs

vo kab is lahr se nikaltā hai

hai pasand dhuup meñ use rahnā

dil tire sehr se nikaltā hai

aap ab ḳhvāb meñ nahīñ aate

ḳhvāb ab qahr se nikaltā hai

is qadar ḳhauf hai ki sūraj bhī

aaj dopahr se nikaltā hai

zindagī dekhtī hai hairat se

kaam jab zahr se nikaltā hai

ḳhuun farhād kā hai ye varna

duudh kab nahr se nikaltā hai

aañkh meñ ashk haiñ 'ḳhizar' mere

chashma ab dahr se nikaltā hai

aadmi shahr se nikalta hai

qatra ab bahr se nikalta hai

is qadar nafraton ki aadat hai

dam mera mahr se nikalta hai

jo tere ishq mein hai mahw-e-raqs

wo kab is lahr se nikalta hai

hai pasand dhup mein use rahna

dil tere sehr se nikalta hai

aap ab KHwab mein nahin aate

KHwab ab qahr se nikalta hai

is qadar KHauf hai ki suraj bhi

aaj dopahr se nikalta hai

zindagi dekhti hai hairat se

kaam jab zahr se nikalta hai

KHun farhad ka hai ye warna

dudh kab nahr se nikalta hai

aankh mein ashk hain 'KHizar' mere

chashma ab dahr se nikalta hai