aae the jis taraf se wo ek din udhar gae

aa.e the jis taraf se vo ik din udhar ga.e

bargad kā peḌ kaT gayā sādhū guzar ga.e

kyā zindagī milī unheñ tūfāñ kī god meñ

do jism ek jism hue aur mar ga.e

karne lage qayās kahīñ qatl ho gayā

āñdhī kā rañg surḳh thā sab log Dar ga.e

ab mujh ko bhūl-bhāl ga.e sab muāshqe

sāvan kī rut guzar ga.ī dariyā utar ga.e

ik jism meñ utar gayā ik saal din-ba-din

ik ek kar ke sahn meñ patte bikhar ga.e

chhup kar mile bichhaḌ ga.e aur phir na mil sake

ik pal meñ dāstān kī takmīl kar ga.e

aae the jis taraf se wo ek din udhar gae

bargad ka peD kaT gaya sadhu guzar gae

kya zindagi mili unhen tufan ki god mein

do jism ek jism hue aur mar gae

karne lage qayas kahin qatl ho gaya

aandhi ka rang surKH tha sab log Dar gae

ab mujh ko bhul-bhaal gae sab muashqe

sawan ki rut guzar gai dariya utar gae

ek jism mein utar gaya ek sal din-ba-din

ek ek kar ke sahn mein patte bikhar gae

chhup kar mile bichhaD gae aur phir na mil sake

ek pal mein dastan ki takmil kar gae