aaegi phir chaman mein jaane bahaar kab tak

aa.egī phir chaman meñ jaane bahār kab tak

karnā paḌegā mujh ko yuuñ intizār kab tak

jiine kī aarzū meñ marne kī justujū meñ

hotā rahegā merā dil be-qarār kab tak

ehsāñ karo na koī maiñ kyā javāb dūñgā

karte rahoge mujh ko yuuñ sharmsār kab tak

tarz-e-vafā tumhārī kyā hai na mil sako tum

phirtā rahūñ batā do maiñ sogvār kab tak

ik din sameT lūñgā bāhoñ meñ un ko 'ālam'

dil par mirā rahegā yuuñ e.atibār kab tak

aaegi phir chaman mein jaane bahaar kab tak

karna paDega mujh ko yun intizar kab tak

jine ki aarzu mein marne ki justuju mein

hota rahega mera dil be-qarar kab tak

ehsan karo na koi main kya jawab dunga

karte rahoge mujh ko yun sharmsar kab tak

tarz-e-wafa tumhaari kya hai na mil sako tum

phirta rahun bata do main sogwar kab tak

ek din sameT lunga bahon mein un ko 'alam'

dil par mera rahega yun eatibar kab tak