aaenge rah-e-ishq mein kuchh hadsat aur

ā.eñge rāh-e-'ishq meñ kuchh hādsāt aur

dil mujh se kah rahā hai zarā ehtiyāt aur

bachchoñ se phir kahā hai ki gaaḌī nahīñ milī

bachchoñ se phir kahā hai ki bas ek raat aur

pahle bhī tere jūd-o-karam se 'atā huī

ai shāh-e-mumkināt mujhe ek naa't aur

vo bāt-chīt 'ishq pe kartā to hai magar

kahne kī baat aur hai karne kī baat aur

ye log jo bhī kahte haiñ logoñ kī baat chhoḌ

logoñ ke saath aur huuñ maiñ tere saath aur

ik dūsre ke saath bhī bantī na thī 'munīr'

aur aa ga.ī safar meñ achānak se raat aur

aaenge rah-e-'ishq mein kuchh hadsat aur

dil mujh se kah raha hai zara ehtiyat aur

bachchon se phir kaha hai ki gaDi nahin mili

bachchon se phir kaha hai ki bas ek raat aur

pahle bhi tere jud-o-karam se 'ata hui

ai shah-e-mumkinat mujhe ek na't aur

wo baat-chit 'ishq pe karta to hai magar

kahne ki baat aur hai karne ki baat aur

ye log jo bhi kahte hain logon ki baat chhoD

logon ke sath aur hun main tere sath aur

ek dusre ke sath bhi banti na thi 'munir'

aur aa gai safar mein achanak se raat aur