aafaq mein phaile hue manzar se nikal kar
aafaq mein phaile hue manzar se nikal kar
Ghulam Mohammad Qasir
MORE BYGhulam Mohammad Qasir
āfāq meñ phaile hue manzar se nikal kar
chāhā tujhe maujūd-o-mayassar se nikal kar
din se bhī uThāte nahīñ ham raat ke parde
ḳhvāboñ ke ta'āqub meñ haiñ bistar se nikal kar
dīvār ke saa.e meñ bhī ik shahr hai ābād
dekhā hī nahīñ tū ne kabhī ghar se nikal kar
chashme pe jo paanī ke liye haath baḌhā.ūñ
chingāriyāñ aa jaatī haiñ patthar se nikal kar
pahchān rahī thī mujhe sāhil pe bichhī ret
ik lahr chalī aa.ī samundar se nikal kar
aafaq mein phaile hue manzar se nikal kar
chaha tujhe maujud-o-mayassar se nikal kar
din se bhi uThate nahin hum raat ke parde
KHwabon ke ta'aqub mein hain bistar se nikal kar
diwar ke sae mein bhi ek shahr hai aabaad
dekha hi nahin tu ne kabhi ghar se nikal kar
chashme pe jo pani ke liye hath baDhaun
chingariyan aa jati hain patthar se nikal kar
pahchan rahi thi mujhe sahil pe bichhi ret
ek lahr chali aai samundar se nikal kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
