aafiyat kahti hai phir ek sitamgar ko bulaen

'āfiyat kahtī hai phir ek sitamgar ko bulā.eñ

reg-e-sāhil kī tarah apne samundar ko bulā.eñ

jo nazar bhī nahīñ aatā use dil meñ rakh leñ

vo jo bāhar bhī nahīñ hai use andar ko bulā.eñ

ḳhār-zāroñ kā safar hai to pareshānī kyā

aañkh ko band kareñ aur gul-e-tar ko bulā.eñ

hai jo ik 'umr se simTā huā pas-manzar meñ

pesh-e-manzar ke liye phir usī manzar ko bulā.eñ

phir ufuq ko hai vahī chāñd sā chehra matlūb

aur havā.eñ bhī usī zulf-e-mo’ambar ko bulā.eñ

rāste bhaTke hue qadmoñ ko āvāzeñ deñ

sīpiyāñ mauj meñ ghulte hue gauhar ko bulā.eñ

'afiyat kahti hai phir ek sitamgar ko bulaen

reg-e-sahil ki tarah apne samundar ko bulaen

jo nazar bhi nahin aata use dil mein rakh len

wo jo bahar bhi nahin hai use andar ko bulaen

KHar-zaron ka safar hai to pareshani kya

aankh ko band karen aur gul-e-tar ko bulaen

hai jo ek 'umr se simTa hua pas-manzar mein

pesh-e-manzar ke liye phir usi manzar ko bulaen

phir ufuq ko hai wahi chand sa chehra matlub

aur hawaen bhi usi zulf-e-mo’ambar ko bulaen

raste bhaTke hue qadmon ko aawazen den

sipiyan mauj mein ghulte hue gauhar ko bulaen