aag barsi to bahut jal ke mare the patte

aag barsī to bahut jal ke mare the patte

log kahte haiñ ki kasrat se hare the patte

kuchh havāoñ kī tarāshoñ ne Dubo kar ḳhuuñ meñ

jā-ba-jā ḳhuub salīqe se dhare the patte

reshe-reshe meñ kahīñ zahr na bhar de shabnam

ham-nashīnoñ se kabhī yuuñ na Dare the patte

zāhirā-shaiḳh zamīr apnā jalā kar ḳhush thī

us ke āñchal meñ karoḌoñ ke bhare the patte

barg-e-sarsabz kī shāḳhoñ meñ zamurrad the jaḌe

dast-e-kotāh thā maiñ mujh se pare the patte

taash ke khel meñ har faisla pattoñ pe shahāb

haar yā jiit ki donoñ meñ khare the patte

aag barsi to bahut jal ke mare the patte

log kahte hain ki kasrat se hare the patte

kuchh hawaon ki tarashon ne Dubo kar KHun mein

ja-ba-ja KHub saliqe se dhare the patte

reshe-reshe mein kahin zahr na bhar de shabnam

ham-nashinon se kabhi yun na Dare the patte

zahira-shaiKH zamir apna jala kar KHush thi

us ke aanchal mein karoDon ke bhare the patte

barg-e-sarsabz ki shaKHon mein zamurrad the jaDe

dast-e-kotah tha main mujh se pare the patte

tash ke khel mein har faisla patton pe shahab

haar ya jit ki donon mein khare the patte