aag ke sahra mein apna lamha lamha zard tha

aag ke sahrā meñ apnā lamha lamha zard thā

bād-e-vahshat chal rahī thī chehra chehra zard thā

aa gayā thā raushnī ke dā.ere meñ jab shigāf

āgahī kī saltanat meñ saaya saaya zard thā

ik sahīfa thā ba-unvān-e-vafādārī magar

saf.he saf.he par thī surḳhī nuqta nuqta zard thā

har koī thā hādsoñ kī tez āñdhī kā asiir

yaas kā thā daur-daura chehra chehra zard thā

har tanaffus thā baqā kī kashmakash meñ mubtalā

vāhimoñ kī sarzamīñ kā ḳhitta ḳhitta zard thā

is qadar vīrāniyoñ ko saath laa.ī thī bahār

peḌ kā chehra luTā thā pattā pattā zard thā

aag ke sahra mein apna lamha lamha zard tha

baad-e-wahshat chal rahi thi chehra chehra zard tha

aa gaya tha raushni ke daere mein jab shigaf

aagahi ki saltanat mein saya saya zard tha

ek sahifa tha ba-unwan-e-wafadari magar

safhe safhe par thi surKHi nuqta nuqta zard tha

har koi tha hadson ki tez aandhi ka asir

yas ka tha daur-daura chehra chehra zard tha

har tanaffus tha baqa ki kashmakash mein mubtala

wahimon ki sarzamin ka KHitta KHitta zard tha

is qadar viraniyon ko sath lai thi bahaar

peD ka chehra luTa tha patta patta zard tha