aag ki lapTen hain mujh mein mom ka putla hai tu

aag kī lapTeñ haiñ mujh meñ mom kā putlā hai tū

paas mere aa rahā hai kitnā dīvāna hai tū

us pe kitne naag bhī phunkārte haiñ dekh le

jis shajar ke saa.e meñ aa kar abhī leTā hai tū

tere ruḳh par haiñ thakāvaT ke jo ye āsār se

kyā koī lambā safar kar ke abhī lauTā hai tū

ye taġhayyur kis liye kyā hādisa guzrā hai bol

mom sā thā narm ab kyoñ saḳht patthar sā hai tū

dil meñ ik paiham khaTak hotī hai terī yaad se

saath thā to phuul thā bichhḌā to ik kāñTā hai tū

daur-e-nau kā jo chalan hai tū bhī thoḌā siikh le

be-sabab hī ġhair kī mushkil meñ kyoñ paḌtā hai tū

saañp kā kaaTā huā hotā to bach jaatā magar

tū na bach pā.egā 'aks' insān kā kaaTā hai tū

aag ki lapTen hain mujh mein mom ka putla hai tu

pas mere aa raha hai kitna diwana hai tu

us pe kitne nag bhi phunkarte hain dekh le

jis shajar ke sae mein aa kar abhi leTa hai tu

tere ruKH par hain thakawaT ke jo ye aasar se

kya koi lamba safar kar ke abhi lauTa hai tu

ye taghayyur kis liye kya hadisa guzra hai bol

mom sa tha narm ab kyon saKHt patthar sa hai tu

dil mein ek paiham khaTak hoti hai teri yaad se

sath tha to phul tha bichhDa to ek kanTa hai tu

daur-e-nau ka jo chalan hai tu bhi thoDa sikh le

be-sabab hi ghair ki mushkil mein kyon paDta hai tu

sanp ka kaTa hua hota to bach jata magar

tu na bach paega 'aks' insan ka kaTa hai tu