aag sine mein mohabbat ki lagane wale

aag siine meñ mohabbat kī lagāne vaale

dil meñ rahte haiñ mire dil ko jalāne vaale

duur rah kar bhī nigāhoñ meñ samāne vaale

yaad aate haiñ mujhe yaad na aane vaale

dekhtā rahtā huuñ har mauj meñ sūrat terī

'aks Thahre hue paanī meñ dikhāne vaale

har sitam terā maiñ sah jā.uñgā hañste hañste

tujh ko mā'lūm nahīñ mujh ko satāne vaale

vo jo is daur ke bhagvān bane baiThe haiñ

kaise taslīm kareñ un ko zamāne vaale

daulat-e-ġham se navāzā mujhe ḳhushiyoñ ke 'evaz

terā mashkūr huuñ taqdīr banāne vaale

merī afsurdagi-e-dil pe nazar kī tū ne

shukriya hausla 'afsar' kā baḌhāne vaale

aag sine mein mohabbat ki lagane wale

dil mein rahte hain mere dil ko jalane wale

dur rah kar bhi nigahon mein samane wale

yaad aate hain mujhe yaad na aane wale

dekhta rahta hun har mauj mein surat teri

'aks Thahre hue pani mein dikhane wale

har sitam tera main sah jaunga hanste hanste

tujh ko ma'lum nahin mujh ko satane wale

wo jo is daur ke bhagwan bane baiThe hain

kaise taslim karen un ko zamane wale

daulat-e-gham se nawaza mujhe KHushiyon ke 'ewaz

tera mashkur hun taqdir banane wale

meri afsurdagi-e-dil pe nazar ki tu ne

shukriya hausla 'afsar' ka baDhane wale