aaghaz-e-ishq umr ka anjam ho gaya

āġhāz-e-ishq umr kā anjām ho gayā

nākāmiyoñ ke ġham meñ mirā kaam ho gayā

tum roz-o-shab jo dast-ba-dast-e-adū phire

maiñ pā.emāl-e-gardish-e-ayyām ho gayā

merā nishāñ miTā to miTā par ye rashk hai

vird-e-zabān-e-ḳhalq tirā naam ho gayā

dil chāk-chāk naġhma-e-nāqūs se huā

sab pāra-pāra jāma-e-ahrām ho gayā

kyā ab bhī mujh pe farz nahīñ dostī-e-kufr

vo zid se merī dushman-e-islām ho gayā

allāh re bosa-e-lab-e-mai-gūñ kī aarzū

maiñ ḳhaak ho ke durd-e-tah-e-jām ho gayā

aaghaz-e-ishq umr ka anjam ho gaya

nakaamiyon ke gham mein mera kaam ho gaya

tum roz-o-shab jo dast-ba-dast-e-adu phire

main paemal-e-gardish-e-ayyam ho gaya

mera nishan miTa to miTa par ye rashk hai

wird-e-zaban-e-KHalq tera nam ho gaya

dil chaak-chaak naghma-e-naqus se hua

sab para-para jama-e-ahram ho gaya

kya ab bhi mujh pe farz nahin dosti-e-kufr

wo zid se meri dushman-e-islam ho gaya

allah re bosa-e-lab-e-mai-gun ki aarzu

main KHak ho ke durd-e-tah-e-jam ho gaya