aaghaz-e-jawani hai zara dekh ke chaliye

āġhāz-e-javānī hai zarā dekh ke chaliye

ḳhatre kī nishānī hai zarā dekh ke chaliye

har samt se umDā hai talātum hī talātum

dariyā meñ ravānī hai zarā dekh ke chaliye

ye umr hī aisī hai ki rahtā nahīñ kuchh hosh

ik josh-e-javānī hai zarā dekh ke chaliye

chhūne se na murjhā.e kahīñ Dar hai isī kā

phūloñ sī javānī hai zarā dekh ke chaliye

shoḳhī hai sharārat hai qayāmat hai adā hai

rangīn javānī hai zarā dekh ke chaliye

in mast adāoñ kī nazākat kī hayā kī

duniyā bhī divānī hai zarā dekh ke chaliye

marmar sā hasīñ jism hai ik taaj mahal sā

kyā ḳhauf-e-javānī hai zarā dekh ke chaliye

yuuñ ḳhud pe akaḌnā bhī nahīñ Thiik jahāñ meñ

ye husn to faanī hai zarā dekh ke chaliye

jaañ apnī gañvā degā yahāñ aap kī ḳhātir

'rāmish' ne ye Thānī hai zarā dekh ke chaliye

aaghaz-e-jawani hai zara dekh ke chaliye

KHatre ki nishani hai zara dekh ke chaliye

har samt se umDa hai talatum hi talatum

dariya mein rawani hai zara dekh ke chaliye

ye umr hi aisi hai ki rahta nahin kuchh hosh

ek josh-e-jawani hai zara dekh ke chaliye

chhune se na murjhae kahin Dar hai isi ka

phulon si jawani hai zara dekh ke chaliye

shoKHi hai shararat hai qayamat hai ada hai

rangin jawani hai zara dekh ke chaliye

in mast adaon ki nazakat ki haya ki

duniya bhi diwani hai zara dekh ke chaliye

marmar sa hasin jism hai ek taj mahal sa

kya KHauf-e-jawani hai zara dekh ke chaliye

yun KHud pe akaDna bhi nahin Thik jahan mein

ye husn to fani hai zara dekh ke chaliye

jaan apni ganwa dega yahan aap ki KHatir

'ramish' ne ye Thani hai zara dekh ke chaliye