aage pichhe us ka apna saya lahraata raha

aage pīchhe us kā apnā saaya lahrātā rahā

ḳhauf se us shaḳhs kā chehra sadā piilā rahā

sub.h ko dekhā to vo mujh se thā bilkul ajnabī

raat bhar jo jism ke andar mujhe taktā rahā

kaisā dīvāna thā sab kuchh jaan kar anjān thā

har kisī se vo gale miltā rahā rotā rahā

ye ḳhatā merī thī tujh ko maiñ ne pahchānā nahīñ

aa.ine meñ jaane mujh ko kyā nazar aatā rahā

ḳhud-numā.ī ke liye tarkīb thī achchhī bahut

log sab ḳhāmosh the vo kuchh na kuchh kahtā rahā

ham ne dīvāroñ pe us ko kar diyā chaspāñ magar

apne ghar meñ vo baḌe ārām se soyā rahā

sab barahna-tan hue 'manzūr' jab mahfil kī jaañ

apne ghar meñ chhup ke ḳhāmoshī se maiñ baiThā rahā

aage pichhe us ka apna saya lahraata raha

KHauf se us shaKHs ka chehra sada pila raha

subh ko dekha to wo mujh se tha bilkul ajnabi

raat bhar jo jism ke andar mujhe takta raha

kaisa diwana tha sab kuchh jaan kar anjaan tha

har kisi se wo gale milta raha rota raha

ye KHata meri thi tujh ko main ne pahchana nahin

aaine mein jaane mujh ko kya nazar aata raha

KHud-numai ke liye tarkib thi achchhi bahut

log sab KHamosh the wo kuchh na kuchh kahta raha

hum ne diwaron pe us ko kar diya chaspan magar

apne ghar mein wo baDe aaram se soya raha

sab barahna-tan hue 'manzur' jab mahfil ki jaan

apne ghar mein chhup ke KHamoshi se main baiTha raha