aage se apni rah juda chahte hain hum

aage se apnī raah judā chāhte haiñ ham

aisā samajh ki dām-e-vafā chāhte haiñ ham

āñkhoñ ko ḳhud hī paḌh le koī aarzū na pūchh

hoñThoñ se kyā batā.eñ ki kyā chāhte haiñ ham

raat aa ga.ī ab apnī udāsī kā vaqt hai

ai khiḌkiyo charāġh bujhā chāhte haiñ ham

ai pāsbāñ tū khol de ye rauzan-e-qafas

kam-az-kam apnā zehn rihā chāhte haiñ ham

jannat ke rāste meñ kahīñ tīrgī na ho

so qabr par bhī ek diyā chāhte haiñ ham

ik jhiil kā kināra ho jangal ho peḌ hoñ

ik ghar vahīñ pe dasht-numā chāhte haiñ ham

aage se apni rah juda chahte hain hum

aisa samajh ki dam-e-wafa chahte hain hum

aankhon ko KHud hi paDh le koi aarzu na puchh

honThon se kya bataen ki kya chahte hain hum

raat aa gai ab apni udasi ka waqt hai

ai khiDkiyo charagh bujha chahte hain hum

ai pasban tu khol de ye rauzan-e-qafas

kam-az-kam apna zehn riha chahte hain hum

jannat ke raste mein kahin tirgi na ho

so qabr par bhi ek diya chahte hain hum

ek jhil ka kinara ho jangal ho peD hon

ek ghar wahin pe dasht-numa chahte hain hum