aah bhar-bhar ke samne rona

aah bhar-bhar ke sāmne ronā

kisī rahbar ke sāmne ronā

us ko ro kar dikhānā aisā hai

jaise patthar ke sāmne ronā

pahle ḳhud hī lagānā ghar ko aag

aur phir ghar ke sāmne ronā

mujh ko aatī nahīñ thī aksar niiñd

maiñ ne bistar ke sāmne ronā

be-vaqūfī hai dasht meñ hañsnā

aur samundar ke sāmne ronā

us ke pīchhe se ronā Thiik nahīñ

hausla kar ke sāmne ronā

ginte rahnā hamārī yaad meñ din

aur calendar ke sāmne ronā

khaTkhaTānā tamām darvāze

aur har dar ke sāmne ronā

kaun rotā hai shauq se 'ahmad'

apne dilbar ke sāmne ronā

aah bhar-bhar ke samne rona

kisi rahbar ke samne rona

us ko ro kar dikhana aisa hai

jaise patthar ke samne rona

pahle KHud hi lagana ghar ko aag

aur phir ghar ke samne rona

mujh ko aati nahin thi aksar nind

main ne bistar ke samne rona

be-waqufi hai dasht mein hansna

aur samundar ke samne rona

us ke pichhe se rona Thik nahin

hausla kar ke samne rona

ginte rahna hamari yaad mein din

aur calendar ke samne rona

khaTkhaTana tamam darwaze

aur har dar ke samne rona

kaun rota hai shauq se 'ahmad'

apne dilbar ke samne rona