aah hamraaz kaun hai apna
aah hamrāz kaun hai apnā
baḳht-e-nā-sāz kaun hai apnā
kis ke kahlā.eñ ham ki tere sivā
but-e-tannāz kaun hai apnā
baat kah de hai vo tah-e-dil kī
aisā ġhammāz kaun hai apnā
le uḌte tū hī gar na ham ko to phir
shauq-e-parvāz kaun hai apnā
vasl hotā nahīñ, nahīñ ma.alūm
ḳhalal-andāz kaun hai apnā
bolā dekh aa.ina vo hairat se
chehra-pardāz kaun hai apnā
go ki āñkheñ laḌā.eñ ham us se
yaañ nazar-bāz kaun hai apnā
shab-e-furqat meñ juz-dam-e-quliyāñ
yaar dam-sāz kaun hai apnā
be-niyāzī kare jo tū hī to phir
ai hama-nāz kaun hai apnā
'mus.hafī' ham haiñ aur tanhā.ī
sach hai ambāz kaun hai apnā
aah hamraaz kaun hai apna
baKHt-e-na-saz kaun hai apna
kis ke kahlaen hum ki tere siwa
but-e-tannaz kaun hai apna
baat kah de hai wo tah-e-dil ki
aisa ghammaz kaun hai apna
le uDte tu hi gar na hum ko to phir
shauq-e-parwaz kaun hai apna
wasl hota nahin, nahin malum
KHalal-andaz kaun hai apna
bola dekh aaina wo hairat se
chehra-pardaz kaun hai apna
go ki aankhen laDaen hum us se
yan nazar-baz kaun hai apna
shab-e-furqat mein juz-dam-e-quliyan
yar dam-saz kaun hai apna
be-niyazi kare jo tu hi to phir
ai hama-naz kaun hai apna
'mushafi' hum hain aur tanhai
sach hai ambaz kaun hai apna
- Book : kulliyat-e-mas.hafii(Vol-4)(pdf) (Pg. 74)
- Author : Ghulam hamdani Mashafi
- Publication : Qaumi council baraye -farogh urdu (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
