aahaTon se dimagh jalta hai
āhaToñ se dimāġh jaltā hai
aaj sikka havā kā chaltā hai
thartharātī hai lau mashiyyat kī
ek mahshar fazā meñ paltā hai
sar uThāte haiñ naqsh paañv tale
saaya jab aadmī kā Dhaltā hai
rañg chuntā hai zehn billor
jism jab dhuup se pighaltā hai
apne mehvar pe shaam tak sūraj
kitne hī zāviye badaltā hai
kar ke patthar se paash paash hameñ
shahr kā shahr haath maltā hai
sho.ala-zan hai ġham-e-hayāt 'samad'
parbatoñ se dhuāñ nikaltā hai
aahaTon se dimagh jalta hai
aaj sikka hawa ka chalta hai
thartharaati hai lau mashiyyat ki
ek mahshar faza mein palta hai
sar uThate hain naqsh panw tale
saya jab aadmi ka Dhalta hai
rang chunta hai zehn billor
jism jab dhup se pighalta hai
apne mehwar pe sham tak suraj
kitne hi zawiye badalta hai
kar ke patthar se pash pash hamein
shahr ka shahr hath malta hai
shoala-zan hai gham-e-hayat 'samad'
parbaton se dhuan nikalta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
