aahon mein ho tasir ki nalon mein asar ho

aahoñ meñ ho tāsīr ki nāloñ meñ asar ho

allāh kisī tarh shab-e-ġham kī sahar ho

itnā to ho jumbish meñ jo vo parda-e-dar ho

jhuk jaa.e 'aqīdat se vo sar ho ki nazar ho

ham yaad se un kī kabhī ġhāfil na raheñge

achchhā hai jo paiham ḳhalish-e-dard-e-jigar ho

kyā jāniye kab hone lage pursish-e-ahvāl

kyā jāniye kis vaqt muḳhātib vo nazar ho

kyā lutf hai mahfil meñ hoñ sab gosh-bar-āvāz

ham jis se kareñ baat usī ko na ḳhabar ho

sach jaan tire ġham meñ ab aañsū na baheñge

ālūda-e-‘isyāñ ho jo dāman mirā tar ho

detā hai ye dar-parda tasallī sī jo koī

shāyad ki mire ġham kī 'hazīñ' un ko ḳhabar ho

aahon mein ho tasir ki nalon mein asar ho

allah kisi tarh shab-e-gham ki sahar ho

itna to ho jumbish mein jo wo parda-e-dar ho

jhuk jae 'aqidat se wo sar ho ki nazar ho

hum yaad se un ki kabhi ghafil na rahenge

achchha hai jo paiham KHalish-e-dard-e-jigar ho

kya jaaniye kab hone lage pursish-e-ahwal

kya jaaniye kis waqt muKHatib wo nazar ho

kya lutf hai mahfil mein hon sab gosh-bar-awaz

hum jis se karen baat usi ko na KHabar ho

sach jaan tere gham mein ab aansu na bahenge

aaluda-e-‘isyan ho jo daman mera tar ho

deta hai ye dar-parda tasalli si jo koi

shayad ki mere gham ki 'hazin' un ko KHabar ho