aai judai aisi ki milna muhaal hai

aa.ī judā.ī aisī ki milnā muhāl hai

ham to haiñ dillī shahr meñ vo nainitāl hai

sun lo mire raqīb kā ab kaisā haal hai

itnā piTā thā mujh se abhī tak niDhāl hai

āñkheñ nashīlī jis kī qayāmat kī chaal hai

us par nazar na Dāliyo vo merā maal hai

mujh se chhuḌā le aaj ye kis kī majāl hai

chuTkī meñ merī jān-e-vafā terā gaal hai

sattar baras kī 'umr meñ shādī hai āThvīñ

baasī kaḌhī meñ dekhiye kaisā ubaal hai

kal bhī taras rahe the chicken aur mutton ko ham

kaisā sitam hai aaj bhī khāne meñ daal hai

murġhā paḌos kā hai chhurī is pe pher do

samjho na ġhair kā ise apnā hī maal hai

'ġhālib' kā ab makāñ hameñ kuchh kuchh makāñ lagā

īñTeñ na bajrī ab vahāñ lakḌī kī Taal hai

bose pe tere ruuTh ke 'iqbāl' jo ga.ī

aa.egī vo dobāra tirā kyā ḳhayāl hai

aai judai aisi ki milna muhaal hai

hum to hain dilli shahr mein wo nainital hai

sun lo mere raqib ka ab kaisa haal hai

itna piTa tha mujh se abhi tak niDhaal hai

aankhen nashili jis ki qayamat ki chaal hai

us par nazar na Daliyo wo mera mal hai

mujh se chhuDa le aaj ye kis ki majal hai

chuTki mein meri jaan-e-wafa tera gal hai

sattar baras ki 'umr mein shadi hai aaThwin

basi kaDhi mein dekhiye kaisa ubaal hai

kal bhi taras rahe the chicken aur mutton ko hum

kaisa sitam hai aaj bhi khane mein dal hai

murgha paDos ka hai chhuri is pe pher do

samjho na ghair ka ise apna hi mal hai

'ghaalib' ka ab makan hamein kuchh kuchh makan laga

inTen na bajri ab wahan lakDi ki Tal hai

bose pe tere ruTh ke 'iqbaal' jo gai

aaegi wo dobara tera kya KHayal hai