aai KHizan to baad-e-saba khinch li gai

aa.ī ḳhizāñ to bād-e-sabā khīñch lī ga.ī

jaise guloñ ke lab se duā khīñch lī ga.ī

kaalā naqāb adl kī āñkhoñ pe bāñdh kar

us ke badan pe jo thī qabā khīñch lī ga.ī

lagne lagā hai mil ke yuuñ ahl-e-vatan se ab

jaise har ek dil se vafā khīñch lī ga.ī

ġhārat-garī ke baad tamāshe ke vāste

baaqī thī jin saroñ pe ridā khīñch lī ga.ī

tum ne zabāñ ko izn-e-takallum nahīñ diyā

us ne jo tum ko dī thī sadā khīñch lī ga.ī

ham ko na zindagī pe na qudrat qazā pe hai

ham se hamārī ye bhī razā khīñch lī ga.ī

ehsās us ke chhoḌ ke jaane pe yuuñ huā

sāvan se jaise kaalī ghaTā khīñch lī ga.ī

pahle hazār ġham hue nāzil hamīñ pe phir

thī sab ġhamoñ kī jo bhī davā khīñch lī ga.ī

vo haath kyā uThe mirī pursish meñ dosto

sar se mire har ek balā khīñch lī ga.ī

mehnat-kashoñ ne ḳhuub munavvar kiye mahal

mehnat-kashoñ se un kī ziyā khīñch lī ga.ī

ḳhud ko bhī dekhtā huuñ maiñ hairat se āj-kal

milne kī merī mujh se adā khīñch lī ga.ī

aai KHizan to baad-e-saba khinch li gai

jaise gulon ke lab se dua khinch li gai

kala naqab adl ki aankhon pe bandh kar

us ke badan pe jo thi qaba khinch li gai

lagne laga hai mil ke yun ahl-e-watan se ab

jaise har ek dil se wafa khinch li gai

ghaarat-gari ke baad tamashe ke waste

baqi thi jin saron pe rida khinch li gai

tum ne zaban ko izn-e-takallum nahin diya

us ne jo tum ko di thi sada khinch li gai

hum ko na zindagi pe na qudrat qaza pe hai

hum se hamari ye bhi raza khinch li gai

ehsas us ke chhoD ke jaane pe yun hua

sawan se jaise kali ghaTa khinch li gai

pahle hazar gham hue nazil hamin pe phir

thi sab ghamon ki jo bhi dawa khinch li gai

wo hath kya uThe meri pursish mein dosto

sar se mere har ek bala khinch li gai

mehnat-kashon ne KHub munawwar kiye mahal

mehnat-kashon se un ki ziya khinch li gai

KHud ko bhi dekhta hun main hairat se aaj-kal

milne ki meri mujh se ada khinch li gai