aain-e-asiri ke ye mear nae hain

ā.īn-e-asīrī ke ye me.aar na.e haiñ

zindāñ to vahī hai dar-o-dīvār na.e haiñ

iḳhlās makīnoñ kā to dekhā nahīñ ab tak

haañ shahr ke sab kūcha-o-bāzār na.e haiñ

dushman se to kuchh ḳhauf na ab hai na kabhī thā

Dar ye hai ki ab mere taraf-dār na.e haiñ

baaqī nahīñ pahlī sī vo taqdīs-e-mohabbat

ab husn nayā us ke parastār na.e haiñ

pahchān liyā ham ne tumheñ rāh-numāo

bāteñ vahī pairāya-e-iz.hār na.e haiñ

sahmā huā sannāTā hai maḳhdūsh fazā.eñ

ab dekh ke chalegā ye āsār na.e haiñ

bāzār kī raunaq vahī pahlī sī hai 'kausar'

itnā hai ki is baar ḳharīdār na.e haiñ

aain-e-asiri ke ye mear nae hain

zindan to wahi hai dar-o-diwar nae hain

iKHlas makinon ka to dekha nahin ab tak

han shahr ke sab kucha-o-bazar nae hain

dushman se to kuchh KHauf na ab hai na kabhi tha

Dar ye hai ki ab mere taraf-dar nae hain

baqi nahin pahli si wo taqdis-e-mohabbat

ab husn naya us ke parastar nae hain

pahchan liya hum ne tumhein rah-numao

baaten wahi pairaya-e-izhaar nae hain

sahma hua sannaTa hai maKHdush fazaen

ab dekh ke chalega ye aasar nae hain

bazar ki raunaq wahi pahli si hai 'kausar'

itna hai ki is bar KHaridar nae hain