aaina jab dikha diya tu ne

aa.ina jab dikhā diyā tū ne

mujh ko mujh se milā diyā tū ne

ye gunāh-e-azīm hotā hai

jis ko chāhā miTā diyā tū ne

maqsad-e-zindagī batā ke mujhe

so rahā thā jagā diyā tū ne

hañste hañste nikal paḌe aañsū

zaḳhm dil pe lagā diyā tū ne

jaane kitne javāñ fanā hoñge

ruḳh se parda haTā diyā tū ne

shukriyā ai mire ḳhudā āḳhir

nek insāñ banā diyā tū ne

dil pe nashtar chalā chalā ke 'dharam'

mujh ko shā'ir banā diyā tū ne

aaina jab dikha diya tu ne

mujh ko mujh se mila diya tu ne

ye gunah-e-azim hota hai

jis ko chaha miTa diya tu ne

maqsad-e-zindagi bata ke mujhe

so raha tha jaga diya tu ne

hanste hanste nikal paDe aansu

zaKHm dil pe laga diya tu ne

jaane kitne jawan fana honge

ruKH se parda haTa diya tu ne

shukriya ai mere KHuda aaKHir

nek insan bana diya tu ne

dil pe nashtar chala chala ke 'dharam'

mujh ko sha'ir bana diya tu ne