aaj achchha hun meri jaan bura to kal tha

aaj achchhā huuñ mirī jaan burā to kal thā

ab mayassar hai tirā saath judā to kal thā

us se nazreñ jo milīñ hosh abhī tak gum haiñ

hādisa aisā mire saath huā to kal thā

aag kuchh aisī lagī saarī fazā hai dhuñdlī

dil se uThtā hai dhuāñ ab bhī bujhā to kal thā

aaj bhī mujh ko gulāboñ kī mahak aatī hai

sirf ik pal ke liye us ne chhuā to kal thā

uljhanoñ meñ hī rahā huuñ maiñ abhī tak masrūf

ḳhvāb bhī hote haiñ ye 'ilm huā to kal thā

mujh ko pahle se yaqīñ us pe nahīñ thā 'hashmat'

pardā āñkhoñ se bahar-hāl uThā to kal thā

aaj achchha hun meri jaan bura to kal tha

ab mayassar hai tera sath juda to kal tha

us se nazren jo milin hosh abhi tak gum hain

hadisa aisa mere sath hua to kal tha

aag kuchh aisi lagi sari faza hai dhundli

dil se uThta hai dhuan ab bhi bujha to kal tha

aaj bhi mujh ko gulabon ki mahak aati hai

sirf ek pal ke liye us ne chhua to kal tha

uljhanon mein hi raha hun main abhi tak masruf

KHwab bhi hote hain ye 'ilm hua to kal tha

mujh ko pahle se yaqin us pe nahin tha 'hashmat'

parda aankhon se bahar-haal uTha to kal tha