aaj bhi qaid in aankhon mein kahani hai wahi

aaj bhī qaid in āñkhoñ meñ kahānī hai vahī

muddatoñ ba.ad bhī ulfat kī ravānī hai vahī

dhuup kā jism sar-e-ām jalā kartā hai

phir bhī is dhuup kī pahle sī javānī hai vahī

vasl kī chaah meñ dauḌī hai nadī sāgar tak

aarzū us kī zamāne se purānī hai vahī

janm letī haiñ kahānī se kahānī lākhoñ

phir bhī dekhī hai kahānī kī kahānī hai vahī

jab kalī khil ke mahaktī hai chaman kī har bars

phir to gulshan meñ bahāroñ kī nishānī hai vahī

nasl-dar-nasl badaltā na kabhī d n a

sirf unvān badalte haiñ kahānī hai vahī

hai nahīñ koī sarokār kisī bātil se

jo rahā sab pe hai 'ānand' kā saanī hai vahī

aaj bhi qaid in aankhon mein kahani hai wahi

muddaton baad bhi ulfat ki rawani hai wahi

dhup ka jism sar-e-am jala karta hai

phir bhi is dhup ki pahle si jawani hai wahi

wasl ki chah mein dauDi hai nadi sagar tak

aarzu us ki zamane se purani hai wahi

janm leti hain kahani se kahani lakhon

phir bhi dekhi hai kahani ki kahani hai wahi

jab kali khil ke mahakti hai chaman ki har bars

phir to gulshan mein bahaaron ki nishani hai wahi

nasl-dar-nasl badalta na kabhi d n a

sirf unwan badalte hain kahani hai wahi

hai nahin koi sarokar kisi baatil se

jo raha sab pe hai 'anand' ka sani hai wahi