aaj diwane ko be-wajh sataya jae

aaj dīvāne ko be-vaj.h satāyā jaa.e

phuul taaza koī bāloñ meñ lagāyā jaa.e

maiñ sar-e-ām paḌhūñ koī ġhazal logoñ meñ

un kī jānib hī faqat merā ishāra jaa.e

paas haiñ vo dil-e-bīmār duā-go hai ajab

dard jaa.e na mirā na hī masīhā jaa.e

faisla hasb-e-tabī.at ye mohabbat ne kiyā

ik tarah ġham ho salāmat ġham-e-duniyā jaa.e

rok leñ aaj to shāhīn-e-bulandī-e-ḳhayāl

aaj 'sarvar' ke paroñ ko chalo katrā jaa.e

aaj diwane ko be-wajh sataya jae

phul taza koi baalon mein lagaya jae

main sar-e-am paDhun koi ghazal logon mein

un ki jaanib hi faqat mera ishaara jae

pas hain wo dil-e-bimar dua-go hai ajab

dard jae na mera na hi masiha jae

faisla hasb-e-tabiat ye mohabbat ne kiya

ek tarah gham ho salamat gham-e-duniya jae

rok len aaj to shahin-e-bulandi-e-KHayal

aaj 'sarwar' ke paron ko chalo katra jae