aaj gulshan ki faza pur-Khaar hai tere baghair

aaj gulshan kī fazā pur-ḳhār hai tere baġhair

saañs lenā bhī mujhe dushvār hai tere baġhair

mai-kadoñ meñ zindagī kā raqs jaarī hai to ho

mujh ko mai-noshī se lekin aar hai tere baġhair

chāñd tāroñ kā tabassum bhī mujhe hai nāgavār

sach to ye hai zindagī be-kār hai tere baġhair

ik tire hone se rahtā thā mire dil ko qarār

ab magar ranj-o-mehan se pyaar hai tere baġhair

khā rahā huuñ har qadam par Thokareñ shām-o-sahar

zindagī kī raah nā-hamvār hai tere baġhair

mujh ko dam bhar bhī sukūñ hāsil nahīñ hotā kahīñ

sach to ye hai zindagī dushvār hai tere baġhair

aa mirī ujḌī huī duniyā ko phir ābād kar

aa ki merī zindagī be-kār hai tere baġhair

aaj gulshan ki faza pur-KHar hai tere baghair

sans lena bhi mujhe dushwar hai tere baghair

mai-kadon mein zindagi ka raqs jari hai to ho

mujh ko mai-noshi se lekin aar hai tere baghair

chand taron ka tabassum bhi mujhe hai nagawar

sach to ye hai zindagi be-kar hai tere baghair

ek tere hone se rahta tha mere dil ko qarar

ab magar ranj-o-mehan se pyar hai tere baghair

kha raha hun har qadam par Thokaren sham-o-sahar

zindagi ki rah na-hamwar hai tere baghair

mujh ko dam bhar bhi sukun hasil nahin hota kahin

sach to ye hai zindagi dushwar hai tere baghair

aa meri ujDi hui duniya ko phir aabaad kar

aa ki meri zindagi be-kar hai tere baghair