aaj hum ek baat aisi kah gae

aaj ham ik baat aisī kah ga.e

jis se vo tasvīr ban kar rah ga.e

vaa.e nākāmī ki sab armān-e-dil

rafta rafta ashk ban kar bah ga.e

ābrū-e-ishq rakhnā thī hameñ

is liye zulm-o-sitam sab sah ga.e

ham bhī kuchh had se sivā karte magar

kyā kareñ majbūr ho kar rah ga.e

mere andāz-e-junūñ par bhī 'ziyā'

kuchh na bole muskurā kar rah ga.e

aaj hum ek baat aisi kah gae

jis se wo taswir ban kar rah gae

wae nakaami ki sab arman-e-dil

rafta rafta ashk ban kar bah gae

aabru-e-ishq rakhna thi hamein

is liye zulm-o-sitam sab sah gae

hum bhi kuchh had se siwa karte magar

kya karen majbur ho kar rah gae

mere andaz-e-junun par bhi 'ziya'

kuchh na bole muskura kar rah gae