aaj har gam pe raqsan ye sitare kyon hain

aaj har gaam pe raqsāñ ye sitāre kyoñ haiñ

jazba-e-shauq ye be-nām sahāre kyoñ haiñ

hāsil-e-ishq tahayyur ke sivā kuchh bhī nahīñ

dil to merā hai magar zaḳhm tumhāre kyoñ haiñ

jām-e-ḳhālī ko surāhī se ham-āġhosh kiyā

kuchh to batlāo ye mub.ham se ishāre kyoñ haiñ

gar tirā ġham hai salāmat to hai pahlū-e-nashāt

tere barbād magar ġham hī ke maare kyoñ haiñ

jab bhī aa.ī hai lagāyā hai mohabbat se gale

yād-e-mahbūb ye aañsū tujhe pyāre kyoñ haiñ

koī saudā hai junūñ hai ki hai ulfat terī

tere vahshī tujhe rah rah ke pukāre kyoñ haiñ

ik ta’alluq kā nishāñ hai ki hai kuchh aur 'sabā'

mere hī dil meñ ye ḳhanjar se utāre kyoñ haiñ

aaj har gam pe raqsan ye sitare kyon hain

jazba-e-shauq ye be-nam sahaare kyon hain

hasil-e-ishq tahayyur ke siwa kuchh bhi nahin

dil to mera hai magar zaKHm tumhaare kyon hain

jam-e-KHali ko surahi se ham-aghosh kiya

kuchh to batlao ye mubham se ishaare kyon hain

gar tera gham hai salamat to hai pahlu-e-nashat

tere barbaad magar gham hi ke mare kyon hain

jab bhi aai hai lagaya hai mohabbat se gale

yaad-e-mahbub ye aansu tujhe pyare kyon hain

koi sauda hai junun hai ki hai ulfat teri

tere wahshi tujhe rah rah ke pukare kyon hain

ek ta’alluq ka nishan hai ki hai kuchh aur 'saba'

mere hi dil mein ye KHanjar se utare kyon hain