aaj ek lahr bhi pani mein na thi
aaj ik lahr bhī paanī meñ na thī
koī tasvīr ravānī meñ na thī
valvala misra-e-avval meñ na thā
harakat misra-e-sānī meñ na thī
koī āhañg na alfāz meñ thā
kaifiyat koī ma.ānī meñ na thī
ḳhuuñ kā nam sāda-navā.ī meñ na thā
ḳhuuñ kī bū shoḳh-bayānī meñ na thī
koī mafhūm tasavvur meñ na thā
koī bhī baat kahānī meñ na thī
rañg ab koī ḳhalāoñ meñ na thā
koī pahchān nishānī meñ na thī
ḳhush-yaqīnī meñ na thā ab koī nuur
zau koī ḳhanda-gumānī meñ na thī
jī sulagne kā dhuāñ ḳhat meñ na thā
raushnī harf-e-zabānī meñ na thī
rañj bhūle hue va.ade kā na thā
lazzat ab yād-dahānī meñ na thī
lo ki jāmid sī ġhazal bhī likh dī
aaj kuchh zindagī 'bānī' meñ na thī
aaj ek lahr bhi pani mein na thi
koi taswir rawani mein na thi
walwala misra-e-awwal mein na tha
harakat misra-e-sani mein na thi
koi aahang na alfaz mein tha
kaifiyat koi maani mein na thi
KHun ka nam sada-nawai mein na tha
KHun ki bu shoKH-bayani mein na thi
koi mafhum tasawwur mein na tha
koi bhi baat kahani mein na thi
rang ab koi KHalaon mein na tha
koi pahchan nishani mein na thi
KHush-yaqini mein na tha ab koi nur
zau koi KHanda-gumani mein na thi
ji sulagne ka dhuan KHat mein na tha
raushni harf-e-zabani mein na thi
ranj bhule hue wade ka na tha
lazzat ab yaad-dahani mein na thi
lo ki jamid si ghazal bhi likh di
aaj kuchh zindagi 'bani' mein na thi
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
