aaj ka jo kaam tha kal par uTha kar rakh diya

aaj kā jo kaam thā kal par uThā kar rakh diyā

maiñ ne yuuñ har qīmtī mauqa gañvā kar rakh diyā

jis taraf bhī dekhiye bas jokeroñ kī bhiiḌ hai

aap ne to mulk ko circus banā kar rakh diyā

laḌ rahā thā zulmat-e-shab se akelā ik charāġh

sar-phirī āñdhī ne us ko bhī bujhā kar rakh diyā

kaise hogī surḳh-rū duniyā meñ āḳhir aisī qaum

jis ne ahkām-e-ilāhī ko bhulā kar rakh diyā

kyoñ maiñ tere ishq kā har sū DhinDhorā pīTtā

qīmtī sāmān thā dil meñ chhupā kar rakh diyā

aa rahe haiñ ab vo iqrār-e-mohabbat ke liye

dostoñ ne jab mujhe nahlā dhulā kar rakh diyā

peT kī ḳhātir kisī ne bech Daalī aabrū

aaj is manzar ne 'tābish' ko hilā kar rakh diyā

aaj ka jo kaam tha kal par uTha kar rakh diya

main ne yun har qimti mauqa ganwa kar rakh diya

jis taraf bhi dekhiye bas jokeron ki bhiD hai

aap ne to mulk ko circus bana kar rakh diya

laD raha tha zulmat-e-shab se akela ek charagh

sar-phiri aandhi ne us ko bhi bujha kar rakh diya

kaise hogi surKH-ru duniya mein aaKHir aisi qaum

jis ne ahkaam-e-ilahi ko bhula kar rakh diya

kyon main tere ishq ka har su DhinDhora piTta

qimti saman tha dil mein chhupa kar rakh diya

aa rahe hain ab wo iqrar-e-mohabbat ke liye

doston ne jab mujhe nahla dhula kar rakh diya

peT ki KHatir kisi ne bech Dali aabru

aaj is manzar ne 'tabish' ko hila kar rakh diya