aaj-kal lachaar hai is watan ka aadmi

āj-kal lāchār hai is vatan kā aadmī

dard kā aḳhbār hai is vatan kā aadmī

hausloñ se likh rahā apnī qismat aap hī

ḳhud hī ḳhud-muḳhtār hai is vatan kā aadmī

yuuñ to rakhtā chāñd kī shams tāroñ kī ḳhabar

ḳhud se par aġhyār hai is vatan kā aadmī

manziloñ ke ḳhauf meñ ḳhud kā lashkar lūTtā

rāstoñ kā ḳhaar hai is vatan kā aadmī

is jahāñ ke taaj meñ mulk hiire sā mirā

aur gale kā haar hai is vatan kā aadmī

naam ho saare zamāne meñ apne mulk kā

sochtā har baar hai is vatan kā aadmī

ho gayā bezār aur be-sukūñ 'āqib' yahāñ

svārth kā bāzār hai is vatan kā aadmī

aaj-kal lachaar hai is watan ka aadmi

dard ka aKHbar hai is watan ka aadmi

hauslon se likh raha apni qismat aap hi

KHud hi KHud-muKHtar hai is watan ka aadmi

yun to rakhta chand ki shams taron ki KHabar

KHud se par aghyar hai is watan ka aadmi

manzilon ke KHauf mein KHud ka lashkar luTta

raston ka KHar hai is watan ka aadmi

is jahan ke taj mein mulk hire sa mera

aur gale ka haar hai is watan ka aadmi

nam ho sare zamane mein apne mulk ka

sochta har bar hai is watan ka aadmi

ho gaya bezar aur be-sukun 'aqib' yahan

swarth ka bazar hai is watan ka aadmi