aaj ke mahaul mein insaniyat badnam hai

aaj ke māhaul meñ insāniyat badnām hai

ye inād-e-bāhamī kā hī faqat anjām hai

haq-shanāsī kā chalan ham meñ nahīñ baaqī rahā

sub.h apnī pur-alam hai pur-ḳhatar har shaam hai

haif barbādī-e-gulshan apne hī hāthoñ huī

muft meñ bād-e-ḳhizāñ ke sar pe kyuuñ ilzām hai

dhundlī dhundlī sī fazā hai mehr aur iḳhlās kī

ab rifāqat āshtī aur dostī gumnām hai

tapte sahrā se to bach kar aa ga.e the ham magar

ab qadam kaise baḌhā.eñ pur-ḳhatar har-gām hai

kyā girānī aur arzānī kī ham bāteñ kareñ

paanī mahñgā hai yahāñ aur ḳhuun saste daam hai

baap se bachche ai 'mohsin' munharif hone lage

tarbiyat aur ilm ke fuqdān kā anjām hai

aaj ke mahaul mein insaniyat badnam hai

ye inad-e-bahami ka hi faqat anjam hai

haq-shanasi ka chalan hum mein nahin baqi raha

subh apni pur-alam hai pur-KHatar har sham hai

haif barbaadi-e-gulshan apne hi hathon hui

muft mein baad-e-KHizan ke sar pe kyun ilzam hai

dhundli dhundli si faza hai mehr aur iKHlas ki

ab rifaqat aashti aur dosti gumnam hai

tapte sahra se to bach kar aa gae the hum magar

ab qadam kaise baDhaen pur-KHatar har-gam hai

kya girani aur arzani ki hum baaten karen

pani mahnga hai yahan aur KHun saste dam hai

bap se bachche ai 'mohsin' munharif hone lage

tarbiyat aur ilm ke fuqdan ka anjam hai