aaj ki tanhai se niklo kal ki aabaadi mein aao
aaj kī tanhā.ī se niklo kal kī ābādī meñ aao
jānāñ kī turbat se uTTho daurāñ ko siine se lagāo
ḳhuub nahīñ ye tarz-e-takalluf aaj ta.āruf ho jaane do
maiñ bhī apne sar ko jhukā.ūñ tum bhī apnī teġh uThāo
TeḌhī nardeñ ulTe ḳhāne madd-e-muqābil be-uslūb
ye chausar kā khel bhī kyā hai chaal chalo to muñh kī khaao
tum hī qātil tum hī munsif phir bhī mujhe afsos nahīñ
āḳhir mere dil meñ kyā hai buujh sako to baat batāo
dil kā vīrāna bhī vahī hai terī tamannā bhī hai vahī
zulmat meñ raushan hai sitāra sahrā meñ jaltā hai alaao
aaj ki tanhai se niklo kal ki aabaadi mein aao
jaanan ki turbat se uTTho dauran ko sine se lagao
KHub nahin ye tarz-e-takalluf aaj taaruf ho jaane do
main bhi apne sar ko jhukaun tum bhi apni tegh uThao
TeDhi narden ulTe KHane madd-e-muqabil be-uslub
ye chausar ka khel bhi kya hai chaal chalo to munh ki khao
tum hi qatil tum hi munsif phir bhi mujhe afsos nahin
aaKHir mere dil mein kya hai bujh sako to baat batao
dil ka virana bhi wahi hai teri tamanna bhi hai wahi
zulmat mein raushan hai sitara sahra mein jalta hai alao
- Book : kulliyat-e-zahiir (Pg. 167)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
