aaj kyon makanon mein raushni nahin hoti

aaj kyoñ makānoñ meñ raushnī nahīñ hotī

log zinda rahte haiñ zindagī nahīñ hotī

jab talak na ho zaḳhmī kaun kis se laḌtā hai

be-sabab kisī se to dushmanī nahīñ hotī

pahle ye samajh liije mas.ale kā hal kyā hai

sirf mashvaroñ se to rahbarī nahīñ hotī

muḳhtalif masā.il par guftugū to āsāñ hai

jab talak na dil TuuTe shā.irī nahīñ hotī

laakh koshisheñ kiije ham badal nahīñ sakte

is taraf nazar jab tak aap kī nahīñ hotī

dūsroñ kā ġham kyā hai ye samajhnā mushkil hai

jab talak ḳhud apne se āgahī nahīñ hotī

rabt-e-bāhamī 'nashtar' apnā be-asar kab hai

phir bhī yuuñ hī milne se dostī nahīñ hotī

aaj kyon makanon mein raushni nahin hoti

log zinda rahte hain zindagi nahin hoti

jab talak na ho zaKHmi kaun kis se laDta hai

be-sabab kisi se to dushmani nahin hoti

pahle ye samajh lije masale ka hal kya hai

sirf mashwaron se to rahbari nahin hoti

muKHtalif masail par guftugu to aasan hai

jab talak na dil TuTe shairi nahin hoti

lakh koshishen kije hum badal nahin sakte

is taraf nazar jab tak aap ki nahin hoti

dusron ka gham kya hai ye samajhna mushkil hai

jab talak KHud apne se aagahi nahin hoti

rabt-e-bahami 'nashtar' apna be-asar kab hai

phir bhi yun hi milne se dosti nahin hoti