aaj mahnga lahu se pani hai

aaj mahñgā lahū se paanī hai

sāqiyā terī mehrbānī hai

aql par maslahat ke parde haiñ

dil pe jazboñ kī hukmrānī hai

aah dil meñ na ashk āñkhoñ meñ

mujh meñ ab aag hai na paanī hai

un se kahnā sañvar ga.e jangal

un se kahnā ki rut suhānī hai

man kī daulat pe rakh nigahbānī

varna daulat to ānī-jānī hai

barf se jism par nigāh ke baad

sharm se dhuup pānī-pānī hai

phuul par itnā phūltā kyoñ hai

chand lamhoñ kī zindagānī hai

piiTh par vaar ho nahīñ saktā

merā dushman bhī ḳhāndānī hai

zaḳhm saare sajā ke rakhtā huuñ

aap ke pyaar kī nishānī hai

bas taḌapne meñ kaaT dī 'bazmī'

zindagī hijr kī kahānī hai

aaj mahnga lahu se pani hai

saqiya teri mehrbani hai

aql par maslahat ke parde hain

dil pe jazbon ki hukmrani hai

aah dil mein na ashk aankhon mein

mujh mein ab aag hai na pani hai

un se kahna sanwar gae jangal

un se kahna ki rut suhani hai

man ki daulat pe rakh nigahbani

warna daulat to aani-jaani hai

barf se jism par nigah ke baad

sharm se dhup pani-pani hai

phul par itna phulta kyon hai

chand lamhon ki zindagani hai

piTh par war ho nahin sakta

mera dushman bhi KHandani hai

zaKHm sare saja ke rakhta hun

aap ke pyar ki nishani hai

bas taDapne mein kaT di 'bazmi'

zindagi hijr ki kahani hai