aaj tak phirta raha main tujh mein hi khoya hua

aaj tak phirtā rahā maiñ tujh meñ hī khoyā huā

tujh se bichhḌā huuñ to ḳhud se mil liyā achchhā huā

zindagī kī chilchilātī dhuup meñ aisā huā

muddatoñ ham par na terī yaad kā saayā huā

dil se shāyad terā ġham bhī ab judā hone ko hai

phir rahā huuñ in dinoñ ḳhud se bhī maiñ uljhā huā

tum chamaktī car phūloñ kī mahak ik ajnabī

aise lagtā hai ye manzar hai mirā dekhā huā

reza reza ho gayā maiñ to ne jab āvāz dī

terī ḳhāmoshī se thā maiñ is qadar TuuTā huā

kitnī yādeñ āñsuoñ meñ thartharā kar rah ga.iiñ

us ne jab pūchhā kaho 'āzād' tum ko kyā huā

aaj tak phirta raha main tujh mein hi khoya hua

tujh se bichhDa hun to KHud se mil liya achchha hua

zindagi ki chilchilati dhup mein aisa hua

muddaton hum par na teri yaad ka saya hua

dil se shayad tera gham bhi ab juda hone ko hai

phir raha hun in dinon KHud se bhi main uljha hua

tum chamakti car phulon ki mahak ek ajnabi

aise lagta hai ye manzar hai mera dekha hua

reza reza ho gaya main to ne jab aawaz di

teri KHamoshi se tha main is qadar TuTa hua

kitni yaaden aansuon mein tharthara kar rah gain

us ne jab puchha kaho 'azad' tum ko kya hua