aaj talashi li hai humne room ke kone kone ki

aaj talāshī lī hai ham ne room ke kone kone kī

sachchī jhūTī ḳhabar milī thī ik tasvīr ke hone kī

har shab niiñd se ḳhālī āñkheñ āñkhoñ par ḳhvāboñ kā bojh

aur jharoke se jhāñke hai ḳhvāhish chain se sone kī

kaise us se nain mile the vo chhoḌo ye baat suno

mujh buzdil meñ kaise aa.ī himmat us ko khone kī

jaan pe jism kī TuuTī phūTī mūrat bojh baḌhātī hai

yārab mujh meñ tāqat rakh de apnā putlā Dhone kī

merī hañsī par kaan lagā kar sunñe vaale sun ke batā

duur kahīñ se aatī hai āvāz kisī ke rone kī

aaj talashi li hai hum ne room ke kone kone ki

sachchi jhuTi KHabar mili thi ek taswir ke hone ki

har shab nind se KHali aankhen aankhon par KHwabon ka bojh

aur jharoke se jhanke hai KHwahish chain se sone ki

kaise us se nain mile the wo chhoDo ye baat suno

mujh buzdil mein kaise aai himmat us ko khone ki

jaan pe jism ki TuTi phuTi murat bojh baDhati hai

yarab mujh mein taqat rakh de apna putla Dhone ki

meri hansi par kan laga kar sunne wale sun ke bata

dur kahin se aati hai aawaz kisi ke rone ki