aakar kisi ne KHwab mein jalwa dikha diya

aakar kisī ne ḳhvāb meñ jalva dikhā diyā

muusā kī tarah mujh ko bhī be-ḳhud banā diyā

ik tīr-e-nāz chupke se dil par chalā diyā

yā jaane kis ne ḳhūn-e-tamannā bahā diyā

is tarah maiñ ne kī hai adā rasm ishq kī

mehmāñ banā ke ġham ko kaleja khilā diyā

aadam kī ik fuġhāñ se larazne lagī zamīñ

jab aah kī to arsh-e-mua.allā hilā diyā

'ahmad' use surāhī-o-sāġhar se kyā ġharaz

saaqī ne jis ko apnī nazar se pilā diyā

aakar kisi ne KHwab mein jalwa dikha diya

musa ki tarah mujh ko bhi be-KHud bana diya

ek tir-e-naz chupke se dil par chala diya

ya jaane kis ne KHun-e-tamanna baha diya

is tarah main ne ki hai ada rasm ishq ki

mehman bana ke gham ko kaleja khila diya

aadam ki ek fughan se larazne lagi zamin

jab aah ki to arsh-e-mualla hila diya

'ahmad' use surahi-o-saghar se kya gharaz

saqi ne jis ko apni nazar se pila diya