aaKHir ashkon mein ek andaz-e-payam aa hi gaya

āḳhir ashkoñ meñ ek andāz-e-payām aa hī gayā

zabt-e-ġham allāh rakkhe ye bhī kaam aa hī gayā

le ke manzil par mujhe shauq-e-tamām aa hī gayā

aaj un se bhī bichhaḌne kā maqām aa hī gayā

gāhe-gāhe aah kar lenā bhī kaam aa hī gayā

kam se kam tere havā-ḳhvāhoñ meñ naam aa hī gayā

jitnī jo piitā ho pī le daur-e-jām aa hī gayā

qadr-dān-e-har-tamām-o-nā-tamām aa hī gayā

haa.e duzdīda-nigāhoñ meñ vo rang-e-iltifāt

us ne jo bhejā na thā vo bhī payām aa hī gayā

go rahā sharminda-e-ehsās ranj-e-tishnagī

phir bhī lutf-e-intizār-e-daur-e-jām aa hī gayā

himmat-e-parvāz ye bhī kāmyābī kam nahīñ

go chaman tak maiñ na pahuñchā zer-e-dām aa hī gayā

aaKHir ashkon mein ek andaz-e-payam aa hi gaya

zabt-e-gham allah rakkhe ye bhi kaam aa hi gaya

le ke manzil par mujhe shauq-e-tamam aa hi gaya

aaj un se bhi bichhaDne ka maqam aa hi gaya

gahe-gahe aah kar lena bhi kaam aa hi gaya

kam se kam tere hawa-KHwahon mein nam aa hi gaya

jitni jo pita ho pi le daur-e-jam aa hi gaya

qadr-dan-e-har-tamam-o-na-tamam aa hi gaya

hae duzdida-nigahon mein wo rang-e-iltifat

us ne jo bheja na tha wo bhi payam aa hi gaya

go raha sharminda-e-ehsas ranj-e-tishnagi

phir bhi lutf-e-intizar-e-daur-e-jam aa hi gaya

himmat-e-parwaz ye bhi kaamyabi kam nahin

go chaman tak main na pahuncha zer-e-dam aa hi gaya